Ministria e Mbrojtjes njofton të gjithë të rinjtë e të rejat, shtetas të Republikës së Kosovës, se ka shpallur konkurs për rekrutimin e kadetëve për vitin akademik 2023/2024 në këto qendra universitare:
- Qendra për Studime Universitare e FSK-së
-Universiteti Amerikan në Kosovë;
- Republika e Turqisë
-Akademia Ushtarake Tokësore
-Akademia Ushtarake Mjekësore
Bëhet e ditur se konkursi i rekrutimit për kadetë do të jetë i hapur prej 01.06.2023 deri më 15.06.2023 dhe se të drejtë aplikimi kanë të gjithë personat nga mosha 18-22 vjeç.
“Kandidatët e interesuar duhet të plotësojnë formularin e aplikimit online https://rekrutimi.fsk-rks.org/Apply dhe bashkëngjisin të gjitha dokumentet tjera të kërkuara nga ky formular”.
“Njoftimi për shpalljen e konkursit mund të gjendet edhe në web faqen e MM-së: https://mod.rks-gov.net”.
Kandidatet kanë të drejtë të aplikojnë deri në ditën e fundit të përmbylljes së konkursit.
Për informata plotësuese, mund të kontaktoni në nr. tel. 038- 555584 2044 dhe 038- 555584 2045 nga ora 09:00 deri 15:00 dhe në email: [email protected].
Ministria e Mbrojtjes u shërben të gjithë qytetarëve të Kosovës dhe mirëpret aplikacione të femrave dhe meshkujve për kadetë të FSK-së, pa dallim nga përkatësia e tyre etnike!
