Gazetarja e RTV Dukagjinit, Doruntina Bylykbashi, që po raporton nga Zveçani, ka thënë se kanë informacionin e fundit se sot janë lënduar katër policisë të Kosovës në veri.
Policia e Kosovës ka hyrë në komunën e Zveçanit dhe të Leposaviqit, duke thyer turmat e mbledhura para këtyre komunave, pas lëshimit të sirenave nëpër qytete.
Policia ka përdorur gaz lotsjellës dhe shok-bomba, ndërsa nëpër rrugët e veriut janë parë policë me armë të gjata. Siç raportohet nga Zveçani, deri tash, janë katër policë të lënduar.
Express ka raportuar më herët se Policia ka arritur ta fusë kryetarin e ri të Zveçanit në objektin e komunës, ndërsa këtë e ka konfirmuar edhe vetë kryetari.
