Klubi i futbollit Prishtina ka mbetur pa licencë për të garuar në kupat evropiane. Të premten Komisioni i Shkallës së Dytë i FFK-së ka shqyrtuar ankesën e Prishtinës dhe e ka refuzuar atë.
Prishtina nuk është pajisur me licencë nga Komisioni i shkallës së parë dhe dy ditë më parë paraqiti ankesë.
Por ajo u refuzua. Kështu Prishtina, nëse vendimi mbetet në fuqi, nuk do të paraqitet në gara evropiane edhe nëse fiton Kupën e Kosovës.
“Pas një vlerësimi të kujdesshëm, Komisioni i Shkallës së Dytë e ka refuzuar ankesën e FC Prishtina, duke e vlerësuar atë si të pabazë”, shkruan në njoftimin e FFK-së.
