Kryeministri Albin Kurti ka dalë nga objekti i Qeverisë dhe ka shkuar drejt Kuvendit për të marrë pjesë në vazhdimin e seancës.
Kurti ka shkuar atje në këmbë, derisa është shoqëruar nga mbrojtja e afërt.
Kujtojmë që sot në Kuvend pati përleshje fizike mes pozitës dhe opozitës.
Për dhunën në Kuvend ka reaguar edhe presidentja Vjosa Osmani. Ajo tha se, përdorimi i dhunës për të adresuar pakënaqësitë, dallimet apo mosmarrëveshjet politike është dëmi më i madh që mund t’u bëhet institucioneve.
“Kuvendi është gurthemeli i shoqërisë sonë demokratike, ku zëra të ndryshëm bashkohen për t’i përfaqësuar interesat e qytetarëve, ndaj dhuna nuk ka vend në tempullin e demokracisë dhe nuk mund të shndërrohet në mjet politik”, ka thënë Osmani.
