Ministri për Komunitete dhe Kthim, Nenad Rashiq, ka folur për zgjedhjet e reja që pritet të mbahen në katër komunat në veri të Kosovës.
Rashiq tha se preferon që zgjedhjet të mbahen përmes dorëheqjes së kryetarëve dhe jo përmes peticionit.
Politikani serb theksoi se organizimi i zgjedhjeve përmes peticionit i jep fuqi Listës Serbe që të vendos se si do të jetë epilogu i këtij procesi.
“Mënyra më e mira është që kryetarët të dorëhiqen, si të dorëhiqen? Me një bisedë të cilën unë jam i sigurtë se edhe ata e shohin se nodshta nuk është e logjikshme që me një përqindje të vogël të votave kur e keni një përqindje të banorëve një strukturë etnike e cila është ndryshe përveç asaj që e përfaqëson dhe normale unë jam i sigurt që ata do ta kuptojnë. Nëse ebëjnë ata nje dorëhejqe në këtë formë shumë me efiçiente do të kishim qenë ne si Qebveri dhe në fund të fundit edhe ata si qytetarë, sepse e kemi një iniciativë që mund t’i organizojmë zgjedhjet shpejt sepse kemi një pluralizëm“, tha Rashiq për RTV 21.
“Në këtë rast ajo për mu është Lista Antiserbe, ajo nuk do të bëjë asgjë e cila shkon në favor të serbëve por do të veprojë për gjithçka që shkon në favor të regjimit në Beograd, unë e kam mandatin e vetëm të mbrojë interesat e serbëve lokal, jo interesat e një partie radikale e cila rasisht për momentin e ka pushtetin në Beograd“, theksoi ai.
