Drejtori i të ashtuquajturës “Zyra për Kosovën”, Petar Petkovic, ka publikuar fotografi të tre kamionëve me barna që janë future në Republikën e Kosovës mbrëmë e të cilat do të shpërndahen në institucionet shëndetësore në zonat e banuara me shumicë serbe.
Ai pretendon se kjo gjë “u arrit për shkak të një lufte intensive diplomatike të Beogradit”.
“Falë luftës intensive dhe të gjatë diplomatike të Beogradit, kontigjenti i barnave tona do të dërgohet së shpejti në spitalet në Kosovë! Dy kamionë tërheqës dhe një kamion me barnat e nevojshme dhe solucionet infuzive kanë hyrë në Kosovë mbrëmë dhe pas procedurave do të shpërndahen nëpër institucionet tona shëndetësore”, ka shkruar Petkovic.
Ai tutje ka shkruar se “për arsye të bllokadës 2 vjeçare nga Prishtina që shpiku pengesa të ndryshme administrative”, gjendja ka qenë “në prag të një katastrofe humanitare”.
Захваљујући интензивној и дугој дипломатској борби Бг, контингент наших лекова ускоро ће бити допремљен у 🇷🇸 болнице на KиМ! Два шлепера и камион с неопходним лековима и инфузионим растворима синоћ су ушли на КиМ и биће након процедура распоређени по нашим здравственим установама pic.twitter.com/HQySOrjNxJ— Петар Петковић (@PetkovicPetar) November 4, 2023
