Mbrëmë u arrestuan tre persona në qytetin e Vushtrrisë, të cilët dyshohet se merreshin me shitblerjen e substancave narkotike. Të dyshuarit u kapën në flagrancë nga Policia dhe u vunë menjëherë në pranga.
Burimet e Gazetës Sinjali brenda Prokurorisë bëjnë me dije se të dyshuarit janë:
- Selami Zenuni 21-vjeç
- Fisnik Zenuni 30-vjeç
- Merigon Ademi 22-vjeç
Sinjali mëson se të rinjtë janë kapur në flagrancë duke bërë gati për shpërndarje substancën e dyshuar narkotike të llojit marihuanë.
Të dyshuarit janë arrestuar dhe janë shoqëruar në stacion policor, ndërsa narkotikët janë sekuestruar në cilësinë e provave materiale.
Pas përfundimit të procedurave policore, Prokurori i Shtetit ka nxjerrë aktvendim që të dyshuarve t’u caktohet masa e ndalimit policor nën dyshimet për kryerjen e veprës penale ‘Blerja, posedimi, shpërndarja dhe shitje e paautorizuar e narkotikëve, substancave psikotrope dhe analoge’.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
