Më shumë se 30 palestinezë, përfshirë fëmijë të vegjël, u vranë nga sulmet ajrore izraelite në Rripin e Gazës gjatë natës së të shtunës, thonë zyrtarët e shëndetësisë dhe shpëtimit, ndërsa shqetësimet rriten për mungesën e karburantit dhe furnizimeve për spitalet e mbingarkuar.
Punonjësit e shpëtimit kërkuan nëpër rrënojat e përdredhura të një shtëpie në qytetin e Gazës me elektrik dore pasi ajo u godit nga një sulm izraelit, raporton agjencia e lajmeve Associated Press.
Pamjet e siguruara nga autoritetet e mbrojtjes civile të Gazës dhe të shikuara nga Associated Press, thuhet se treguan ata duke mbajtur një vajzë të re të mbështjellë me batanije me lëndime në fytyrë dhe të paktën dy fëmijë të tjerë që dukeshin të vdekur.
Zëdhënësi i mbrojtjes civile, Mahmoud Bassal tha se sulmi në shtëpinë në lagjen Daraj vrau të paktën 20 njerëz në total. Një tjetër sulm në afërsi të qytetit jugor Rafah në kufirin me Egjiptin vrau të paktën 13 persona, duke përfshirë dy fëmijë.
Trupat e të vrarëve, kryesisht nga një familje e zhvendosur nga Gaza qendrore, u dërguan në spitalin e qytetit Abu Youssef al-Najjar, ku u panë nga një reporter i Associated Press.
