Asociacioni i Gazetarëve të Kosovës (AGK) ka reaguar pasi gazetari kosovar Lirim Mehmetaj ka marrë thirrje nga Prokuroria Themelore në Prishtinë për vepër penale.
“Asociacioni i Gazetarëve të Kosovës e ka pranuar me shqetësim të madh njoftimin nga gazetari i Albanian Post, Lirim Mehmetaj, për thirrjen që i është bërë si i pandehur nga ana e Prokurorisë Themelore në Prishtinë”, thuhet në njoftim.
“Derisa AGK është në pritje të informacioneve zyrtare, thirrja e tillë ndaj një gazetari është alarm për një shoqëri demokratike, siç pretendon të jetë Kosova. AGK-ja, do të kërkojë informacionet zyrtare dhe do ta ndjekë nga afër të enjten këtë zhvillim të pashembullt të sistemit të drejtësisë në Kosovë”, thuhet në njoftimin e AGK-së.
