Presidenti i Francës Emmanuel Macron ka thënë se Franca do të bëjë gjithçka për të shmangur një përshkallëzim në Lindjen e Mesme.
“Ne do të bëjmë gjithçka për të shmangur një zjarr – do të thotë një përshkallëzim”, tha ai.
“Ne duhet të jemi në krah të Izraelit për të siguruar mbrojtjen e tij në maksimum, por edhe për të kërkuar një kufi për të shmangur një përshkallëzim”, u shpreh tutje Macron.
“Fokusi duhet të jetë në izolimin e Iranit, bindjen e vendeve në rajon se Irani është një rrezik, rritja e sanksioneve, forcimi i presionit mbi aktivitetet bërthamore në Iran”, shtoi ai.
Presidenti francez tha gjithashtu se avionët francezë ndihmuan në zmbrapsjen e një shkeljeje iraniane të hapësirës ajrore të Jordanisë gjatë sulmit, raporton The Guardian, transmeton Klankosova.tv.
“Prej disa vitesh ne kemi një bazë ajrore në Jordani për të luftuar terrorizmin.Hapësira ajrore jordaneze u shkel… Ne bëmë avionët tanë të ngriheshin dhe ne përgjuam atë që duhej të përgjonim”.
Ministri i Jashtëm francez, Stephane Sejourne të dielën tha se i kishte kërkuar Ministrisë së Jashtme që të thërriste ambasadorin iranian të hënën për të shprehur një “mesazh vendosmërie”.
