Presidenti i Letonisë, Edgars Srinkevics, ka reaguar pas plagosjes së Kryeministrit të Sllovakisë, Robert Fico, duke e dënuar këtë akt dhe duke bërë thirrje për hetim të hollësishëm.
Srinkevics ka thënë se dhuna është totalisht e papranueshme, derisa i ka uruar Ficos shërim të shpejtë.
“Çfarëdo dallime politike apo të tjera që ekzistojnë, dhuna është krejtësisht e papranueshme. I uroj shërim të shpejtë Kryeministrit të Sllovakisë, Robert Fico. E dënoj këtë atentat dhe bëj thirrje për një hetim të hollësishëm”, ka shkruar ai në platformën “X”.
Whatever political or other differences there are, violence is completely unacceptable.
I wish speedy recovery to Prime Minister of Slovakia Robert Fico.
I condemn this assassination attempt and call for thorough investigation.— Edgars Rinkēvičs (@edgarsrinkevics)May 15, 2024
Kryeministri i Sllovakisë, Robert Fico, është plagosur dhe më pas është dërguar në spital pas një incidenti me të shtëna, raportojnë mediat lokale sllovake, transmeton The Guardian.
Mediumi “Denník N” shkruan se një nga reporterët e tij nuk e pa vetë incidentin, por dëgjoi disa të shtëna dhe më pas pa kryeministrin të ngrihej nga rojet e sigurisë dhe u fut në një makinë.
Zuzana Čaputová, presidentja e Sllovakisë, ka dënuar sulmin ‘brutal’ ndaj kryeministrit, Robert Fico dhe tha se i uron atij shërim, raportoi Reuters.
Mediumi tjetër sllovak “Aktuality” raporton se këto të shtëna ishin atentat.
