Dhuna në familjet kosovare nuk ka të ndalur. Edhe në 24 orëshi ne fundit janë raportuar pesë raste të dhunës në familje, raporton Gazeta Enigma.
Këto janë rastet e dhunës të raportuara në Polici:
Podujevë 25.06.2021-13:30. Viktima mashkull kosovar ka raportuar se i dyshuari mashkull kosovar e kishte kanosur. Viktima ka deklaruar se me te dyshuarin jetojnë në një shtëpi të përbashkëte dhe deri te rasti kanosje kishte ardhur në lidhje me pronën. Në lidhje me rastin është arrestuar i dyshuari dhe pas intervistimit, me urdhër të prokurorit kujdestar i dyshuari është liruar në procedurë të rregullt.
Prishtinë 25.06.2021-18:10.Është arrestuar i dyshuari mashkull kosovar pasi që i njëjti kishte ushtruar dhunë psikike ndaj viktimës femër- bashkëshortes së tij. Pas intervistimit, me urdhër të prokurorit kujdestar, i dyshuari është liruar në procedurë të rregullt.
Prizren 24.06.2021 – 21:00. I dyshuari mashkull kosovar ka ushtruar dhune fizike ndaj babait të tij me këtë rast viktima ka pësuar lëndime trupore. Viktimës i është ofruar ndihma mjekësore. I dyshuari është arrestuar dhe me vendim te prokurorit dërgohet ne mbajtje.
Malishevë 24.06.2021 – 23:15. I dyshuari mashkull kosovar ka ushtruar dhunë fizike ndaj gruas së tij viktimës kosovare. Palët janë intervistuar dhe me vendim të prokurorit i dyshuari është liruar në procedure të rregullt.
Mitrovicë 25.06.2021 – 15:00. Ankuesja femër kosovare ka informuar se e dyshuara femër kosovare, ka ushtruar dhunë ndaj saj. Nuk raportohet për të lënduar. Me vendim të prokurorit, rasti shkon në procedurë të rregullt.
