Këtë të diele FC Prishtina ka njoftuar kryetrajnerit Emmanuel Egbo i ka përfunduar kontrata dhe ai nuk do të jetë më në krye të kësaj skuadre.
Lajmi është bërë i ditur përmes një njoftimi në profilin e FC Prishtina në Facebook.
Egbo udhëhoqi Prishtinën nga tetori i vitit të kaluar. Bilanci i tij si kryetrajner i skuadrës prishtinase të futbollit ishte 14 fitore, 10 barazime e nëntë humbje.
Me Egbon, Prishtina përfundoi e pesta në Superligë dhe arriti në finale të Kupës. Ndonëse puna e nigerianit është vlerësuar, Prishtina ka vendosur të mos vazhdojë me të.
