Këshilltari i kryeministrit Albin Kurti, Jeton Zulfaj, i ka reaguar në një mënyrë të ashpër Komisioner për Zgjerim dhe Fqinjësi të Mirë, Oliver Varhelyi, i cili sot i ka kërkuar nga institucionet e Kosovës që ta dërgojnë draft statutin për Asociacionin e Komunave me Shumicë Serbe në Gjykatën Kushtetuese e të vendit.
Jeton Zulfaj iu kundërpërgjigj atij, duke i thënë se procesi i dialogut nuk është një prej punëve të BE-së që është në dikasterin e tij, dhe se me këtë merret dikush tjetër.
“E pashë sugjerimin tuaj, z. Varhelyi, për Asociacionin e Komunave me Shumicë Serbe në Kosovë, pa përmendur Marrëveshjen Themelore të Brukselit, d.m.th., njohjen reciproke dhe marrëdhëniet e mira fqinjësore. Ndoshta është më mirë për ju të fokusoheni në zgjerimin e BE-së pasi dialogu në Bruksel është portofoli i dikujt tjetër”, ka shkruar Zulfaj.
Saw your suggestion, Mr. Varhelyi, on ASMM in Kosova, without mentioning the Brussels Basic Agreement, i.e., mutual recognition and good neighborly relations. Perhaps it is better for you to focus on EU enlargement since dialogue in Brussels is someone else’s portfolio.— Jeton Zulfaj (@JetonZulfaj) July 30, 2024
Në konferencën e COSAC-ut në kryeqytetin hungarez, Budapestin, Varhelyi ka thënë se qshtë e qartë se rrugët evropiane të Kosovës dhe Serbisë kalojnë përmes Dialogut.
“Presim që palët të vazhdojnë përpjekjet e vazhdueshme për depërshkallëzimin dhe përparimin në zbatimin e obligimeve të tyre në kuadër të dialogut, duke filluar me dërgimin e statutit të Asociacionit të Komunave me Shumicë Serbe në Gjykatën Kushtetuese të Kosovës”, ka thënë Varhelyi. /Gazeta Enigma
