Kryeministri kosovar Albin Kurti dhe ai serb Aleksandër Vuçiq, sot do të zhvillojnë takime të ndara në Bruksel me Shefen e re të Diplomacisë së Bashkimit Evropian, Kaja Kallas.
Takimet u konfirmuan të hënën nga zëdhënësja e BE-së për politikë të jashtme, Anita Hipper.
Hipper tha se sikur për sulmin në Banjskë, ashtu edhe në Zubin Potok, nevojitet bashkëpunim nga të dyja palët.
Kurti dhe Vuçiq në Bruksel do të zhvillojnë edhe takime të ndara me presidentin e ri të Këshillit Evropian, Antonio Kosta.
Më vonë ata do të marrin pjesë në një darkë joformale që Kosta do ta organizojë me të gjithë udhëheqësit e rajonit të Ballkanit Perëndimor.
