Një nxënës afër 15-vjeç është arrestuar nga Policia e Kosovës.
Kjo pasi ai dyshohet se ka therur me thikë një bashkëmoshatar të tij në shkollën “8 Marsi” në Pejë.
Lajmin për Gazeta Enigma, e ka konfirmuar zëdhënësi i policisë për rajonin e Pejës, Fadil Gashi.
Ai ka thënë se viktima është dërguar në emergjencën e spitalit për tretman mjekësor.
“Sot rreth orës 08:30 policia është njoftuar nga stafi i shkollës “Tetë Marsi” se një nxënëse është lënduar. Policia ka dalur në vendin e ngjarjes, e ka arrestuar të dyshuarin, viktima është dërguar emergjencën e spitalit për tretman mjekësor”.
“Janë shoqëruar në stacion policor edhe dy dëshmitarë, të cilët janë intervisuar. Është konfiskuar mjeti i mprehtë – thika me të cilën dyshohet se u krye vepra. Është njoftuar Prokurori i Shtetit, i cili ndaj të dyshuarit – nxënës i kësaj shkolle e ka caktuar masën e ndalimit prej 48 orëve”, tha Gashi
Më tej ai shtoi se rasti u cilësua si lëndim i lehtë dhe mbajtje në pronësi apo kontrollë i pa autorizuar i armëve. /Gazeta Enigma
