Komisioni Qendror i Zgjedhjeve (KQZ) ka njoftuar se periudha për regjistrimin e votuesve me nevoja të veçanta, të cilët nuk mund të votojnë fizikisht në vendvotim ditën e zgjedhjeve, është ende duke vazhduar.
Për t’iu mundësuar këtyre personave ushtrimin e së drejtës së votës, KQZ do të angazhojë ekipe mobile në secilën komunë të Kosovës gjatë ditës së zgjedhjeve, shkruan Gazeta Enigma.
Procesi i regjistrimit të këtyre votuesve ka filluar më 4 janar dhe do të përfundojë më 5 shkurt 2025.
Me qëllim të lehtësimit të regjistrimit të këtyre votuesve, KQZ ka funksionalizuar platformën online: https://vpnv.kqz-ks.org/
Votuesit me nevoja të veçanta përfshijnë këto kategori:
- Personat me sëmundje apo aftësi të kufizuar për shkak të së cilës nuk mund të dalin nga shtëpia;
- Personat me lëvizje të kufizuar në institucione, si: spitale, shtëpi për të moshuarit dhe strehimore; dhe
III. Personat në rrethana të veçanta, të cilët nuk mund të shkojnë në vendvotim për shkaqe sigurie apo janë në arrest shtëpiak./GazetaEnigma/
