Sipas të dhënave të pranuara nga Qendrat Komunale të Numërimit në të cilat është duke vazhduar procesi i numërimit të votave të kandidatëve apo ka përfunduar, deri më 14 shkurt janë numëruar 876 vendvotime nga 2 mijë e 533.
Komisioni Qendror i Zgjedhjeve bën të ditur po ashtu se procesi i numërimit të votave ka përfunduar në tetë Qendrat Komunale të Numërimit në komunat: Novobërdë, Obiliq, Shtërpcë, Junik, Hani i Elezit, Partesh, Ranillug dhe Kllokot.
Aktualisht, procesi i numërimit është duke vazhduar në 26 Qendra Komunale të Numërimit.
