Aplikacioni më i përdorur në botë, TikTok, nga sot e tutje do jetë i mbyllur në territorin e Shqipërisë.
Kjo vjen pas vendimit të Qeverisë atje, si një tentim për të parandaluar dhunën tek nxënësit.
Vendimi për mbylljen e TikTok-ut erdhi pasi një nxënës në Tiranë u ther për vdekje nga një bashkëmoshatar i tij.
TikTok-u është paraparë të mbyllet për një vit, ndërkohë që më pas do bëhet një vlerësim nëse duhet të vazhdojë mbyllja.
Autoriteti Kombëtar për Sigurinë Kibernetike në bashkëpunim me Autoritetin e Komunikimeve Elektronike dhe Postare (AKEP) ka kërkuar edhe zyrtarisht mbylljen e TikTok-ut në Shqipëri nga kompanitë e internetit.
Në një e-mail të dërguar të gjitha subjekteve ISP (ofruesve të shërbimeve të internetit), AKEP kërkon që të bllokohet aksesi në rrjetin sociale që numëron rreth 1.5 milion përdorues.
