Vjosa Osmani u takua sot me delegacionin e Kongresit Amerikan, kryesuar nga kongresisti Michael Turner.
Takimi zuri vend në Dayton të Ohios, ku u bisedua mbi bashkëpunimin Kosovë-SHBA.
“Kosova është thellësisht mirënjohëse për përkrahjen e vazhdueshme të Shteteve të Bashkuara – për sigurinë tonë, për demokracinë tonë dhe për rrugën tonë drejt integrimit euroatlantik” shkroi Osmani në Facebook, pas takimit.
Ky është postimi i plotë i presidentes:
Në Dayton, pata nderin të takoj Delegacionin e Kongresit Amerikan, të kryesuar nga Kongresisti Michael Turner, udhëheqës i Delegacionit të ShBA-ve në Asamblenë Parlamentare të NATO-s.
Në takim, së bashku me kongresistët Brett Guthrie, Linda Sánchez dhe Joe Wilson, biseduam për mënyrat konkrete për ta thelluar më tej bashkëpunimin me aleatin kryesor të popullit të Kosovës, sidomos në fushat e mbrojtjes dhe zhvillimit ekonomik.
Kosova është thellësisht mirënjohëse për përkrahjen e vazhdueshme të Shteteve të Bashkuara – për sigurinë tonë, për demokracinë tonë dhe për rrugën tonë drejt integrimit euroatlantik.
