Të hënën parashikohet të mbajë mot kryesisht me diell dhe i nxehtë. Përreth zonave malore në perëndim dhe jug të vendit, mund të ketë reshje të izoluara shiu.
Sipas Meteo Kosova era do të fryjë nga drejtimi i verilindjes, e cila herë pas here pritet të jetë mjaft e fuqishme, me shpejtësi prej 17-51 km/h.
Temperaturat do të pësojnë ulje si pasojë e depërtimit të pjesshëm të masave ajrore më të ftohta nga veriperëndimi i kontinentit. Minimalet do të lëvizin prej 15 deri në 18°C, ndërsa ato maksimale prej 24 deri në 29°C. / Gazeta Enigma.
