Një burrë është gjetur sot pa shenja jete në fshatin Gllamnik të Podujevës.
Zëdhënësja e policisë për rajonin e Prishtinës, Flora Ahmeti, tha se rasti është iniciuar si “Hetim mbi vdekje”.
“Sot në stacionin policor të Podujevës, është iniciuar një rast “Hetim mbi Vdekje”. Rasti ka ndodhë në fshatin Gllamnik, ku është gjetë pa shenja jete viktima mashkull. Vdekjen e viktimës e ka konstatuar ekipi mjekësor në vendin e ngjarjes. Rasti është duke u hetuar nga njësitet kompetente në koordinim me prokurorinë”, tha Ahmeti në një përgjigje për Gazetën Enigma.
