Kryetari i Partisë Demokratike të Kosovës, Memli Krasniqi, ka thënë LVV ka një tentim që të mos shkohet tutje me konstituimin e Kuvendit.
Ka shtuar se e gjithë Lëvizja Vetëvendosje me entuziazëm po angazhohet që Nenad Rashiqi të jetë nënkryetar.
Krasniqi ka thënë se më pak angazhim ka pasur për Bashën.
“Ne po abstenojmë nga votimi sepse kjo mënyrë e votimit është jokushtetuese. Efekti politik dhe real i kësaj është që po vazhdon bllokada”, ka thënë ai.
Sipas tij, angazhimi për Rashiqin është “skenar”.
“LVV-ja e ka votuar Sllavko Simiqin para 4 viteve. Por kjo është pjesë e populizmit”. / Gazeta Enigma.
