Ish-kryeministri i Kosovës, Avdullah Hoti ka reaguar pas aksidentit në Kroaci, ku një autobus i linjës Franfurt-Prishtinë është rrokullisur duke humbur jetën kështu të paktën 10 persona.
Ai përmes një postimi në rrjetin social Facebook u ka shprehur ngushëllime familjarëve të të vdekurve nga ky aksident.
“Ngushëllime familjeve që humbën të dashurit e tyre në aksidentin në Kroaci. Moment i rëndë për të gjithë. Bashkëndjej dhe lutem për familjarët e atyre që humbën jetën. Të lënduarve ju uroj shërim të shpejtë”, ka shkruar Hoti.
Tutje ai bëri thirrje që ambasada jonë në Kroaci dhe Ministria e Jashtme të reagojnë shpejt për tu qëndruar afër familjarëve për të gjitha nevojat procedurale që kanë në këto momente të rënda.
