Sot zhvillohen dy ndeshjet e fundit të javës së 13-të të Superligës së Kosovës në futboll.
Ferizaji do të jetë nikoqire e Dukagjinit, ndeshje e cila zhvillohet në stadiumin e qytetit në Ferizaj, më fillim nga ora 13:00.
Skuadra ferizajase ka 14 pikë dhe renditet e teta në tabelë, derisa ajo nga Klina me 17 pikë, renditet në vendin e pestë.
Në të njëjtin orar zhvillohet edhe ndeshja mes Malishevës dhe Gjilanit.
Malisheva renditet e shtat me 16 pikë, katër më shumë se Gjilani, në vendin e nëntë.
