Policia e Kosovës ka raportuar pesë raste të dhunës në familje në Kosovë gjatë 24 orëve të fundit, me viktima gra dhe anëtarë të familjes, ndërsa disa të dyshuar janë arrestuar dhe dërguar në mbajtje.
Në Prishtinë, gjatë 28 nëntorit janë shënuar dy raste të dhunës ndaj prindërve.
Në rastin e parë, rreth orës 01:00, një çift prindërish ka raportuar dhunë fizike dhe psikike nga djali i tyre. I dyshuari është arrestuar dhe me vendim të prokurorit është dërguar në mbajtje.
“Prishtinë 28.11.2025-01:00. Raportohet se prindërit kanë pësuar dhunë fizike dhe psikike nga djali i tyre i dyshuari mashkull kosovar. I dyshuari është arrestuar dhe pas intervistimit me vendim të prokurorit është dërguar në mbajtje”, ka njoftuar PK.
Rasti tjetër ka ndodhur rreth orës 13:00, kur një person ka sulmuar fizikisht nënën e tij pas një mosmarrëveshjeje. Viktima ka marrë tretman mjekësor, ndërsa i dyshuari është ndalur në mbajtje,
“Prishtinë 28.11.2025-13:00. Është arrestuar i dyshuari mashkull kosovar, pasi që i njëjti pas një mosmarrëveshje ka sulmuar fizikisht nënën e tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje”, njoftoi Policia e Kosovës.
Në Pejë, rreth orës 16:30 të ditës së djeshme, policia ka arrestuar një person që dyshohet se ka shqetësuar dhe kanosur ish-bashkëshorten e tij. Pas intervistimit, prokurori ka vendosur që i dyshuari të procedohet në liri.
“Pejë 28.11.2025-16:30. Është arrestuar i dyshuari mashkull kosovar, pasi që i njëjti e ka shqetësuar dhe kanosur viktimën-ish bashkëshorten e tij. Pas intervistimit, me vendim të prokurorit i dyshuari lirohet në procedurë të rregullt”, njoftoi PK.
Edhe një rast tjetër i rëndë është raportuar në Skenderaj, ku më 24 nëntor një grua është sulmuar fizikisht nga kunati i saj.
Ajo ka marrë tretman mjekësor dhe është dërguar në strehimore për mbrojtje të mëtejshme, ndërsa i dyshuari është arrestuar dhe dërguar në mbajtje, shkruan Klankosova.tv
“Skenderaj 24.11.2025-21:00. Është raportuar se një femër kosovare është sulmuar fizikisht nga kunati i saj i dyshuari mashkull kosovar. Viktima ka pranuar tretman mjekësor dhe është dërguar në strehimore, ndërsa i dyshuari pas intervistimit me vendim të prokurorit është dërguar në mbajtje”.
Në Mitrovicë, më 28 nëntor rreth orës 19:58, policia ka arrestuar një burrë i cili dyshohet se ka ushtruar dhunë fizike ndaj bashkëshortes së tij. Viktima ka marrë tretman mjekësor, ndërsa i dyshuari është dërguar në mbajtje me vendim të prokurorit.
“Mitrovicë 28.11.2025-19:58. Është arrestuar i dyshuari mashkull kosovar, pasi që ka ushtruar dhune fizike ndaj bashkëshortes se tij. Viktima ka pranuar tretman mjekësor, ndërsa i dyshuari me vendim të prokurorit dërgohet në mbajtje”.
