Shpat Kasapi varroset nesër në Tetovë, do të mbahen edhe homazhe në kujtim të tij

Shpat Kasapi varroset nesër në Tetovë, do të mbahen edhe homazhe në kujtim të tij

Homazhe për këngëtarin Shpat Kasapi që vdiq papritur do të mbahen të dielën në Pallatin e Kulturës në Tetovë nga ora 12:00.

Ndërsa, varrimi në orën 14:00 në varrezat e qytetit të Tetovës, u njoftua nga familjarë të tij në një postim Facebook.

“Të gjithë ata që dëshirojnë t’i japin lamtumirën e fundit Shpatit tonë të dashur janë të mirëpritur të marrin pjesë në ceremoninë e tij. Homazhet do të mbahen të dielwn, 30.11.2025, në orën 12:00, në Pallatin e Kulturës në Tetovë. Varrimi: në orën 14:00, në varrezat e qytetit të Tetovës”.

Shpat Kasapi vdiq nga arresti kardiak.

Njoftimi i plotë:

LAJMËRIM MORTOR

Me pikëllim të thellë njoftojmë ndarjen nga jeta të birit, babait, bashkëshortit, vëllait dhe shokut tonë të dashur, SHPAT KASAPI

(1 Maj 1985 – 26 Nëntor 2025)

Shpati ishte një zemër e bardhë, një shpirt i gëzuar që jetonte me këngë në buzë dhe me dritë në sy. Ai falte vetëm dashuri e mirësi, dhe kush e njohu, e ndjeu ngrohtësinë e tij.

Ikja e tij e papritur ka thyer zemrat tona. Do të na mungojë zëri i butë, buzëqeshja e tij e sinqertë dhe prania që na jepte qetësi. Kujtimi i tij do të mbetet i paharrueshëm për ne.

Të gjithë ata që dëshirojnë t’i japin lamtumirën e fundit Shpatit tonë të dashur janë të mirëpritur të marrin pjesë në ceremoninë e tij.

Homazhet do të mbahen të Dielen, 30.11.2025, në orën 12:00, në Pallatin e Kulturës në Tetovë.

Varrimi: në orën 14:00, në varrezat e qytetit të Tetovës.

Qoftë i përjetshëm kujtimi i tij.

U prehtë në paqe.

Related Articles