Gjykata në Mitrovicë nuk ka caktuar paraburgim për 10 të dyshuarit për dallavere me vota në rajonin e këtij qyteti, ashtu siç kishte kërkuar Prokuroria.
Sipas informacioneve të Klan Kosovës, Prokuroria kishte kërkuar paraburgimin për dy arsye: së pari, se të dyshuarit, nëse do të mbroheshin në liri, mund të ndikonin tek dëshmitarët dhe, së dyti, se mund t’i prishnin provat.
Asnjëra nga këto arsye nuk është pranuar nga gjyqtari, i cili ka theksuar se emrat e dëshmitarëve nuk janë dhënë dhe se provat nuk mund të prishen, pasi ato ruhen nga Komisioni Qendror i Zgjedhjeve.
Për këto arsye, është marrë vendim që të dyshuarit të mbrohen në liri.
