Një burrë 31-vjeçar ka vdekur si pasojë e një aksidenti në Mitrovicë.
Zëdhënësi i policisë për rajonin e Mitrovicës Avni Zaiti, tha se aksidenti ndodhi sonte në fshatin Kutlloc të kësaj komune.
Zaiti tha se si pasojë e lëndimeve të marra ka vdekur një person i moshës rreth 31-vjeçare.
“Rreth orës 21:37, Policia në Mitrovicë ka pranuar informacion për një aksident trafiku në fshatin Kutlloc të Mitrovicës. Sipas informatave fillestare, si pasojë e lëndimeve të pësuara në aksident, ka humbur jetën një person mashkull rreth 31-vjeçar. Hetuesit policorë në koordinim me prokurorin, janë duke zhvilluar hetime për sqarimin e plotë të rrethanave të rastit”, deklaroi Zaiti.
