Kryetari i Drenasit, Ramiz Lladrovci, ka reaguar pasi PDK nuk pranoi që Fatmir Limaj të hyjë në listën e tyre për deputet, në zgjedhjet e 7 qershorit.
Lladrovci tha se “u ripërsërit modeli i ndikimit në Kryesinë e PDK-së”.
“Kreatorët e kësaj fryme, nuk po i bëjnë shërbim Kosovës e as PDK-së. Për ta paraqitur Bedriun humbës dhe Fatmirin jomeritor në Listë, janë ata që nuk patën guxim të ballafaqohen me pozitën dhe qytetarin ndër vite”, u shpreh Lladrovci.
“Anëtarësia e gjerë, simpatizantët dhe qytetarët, do të jenë në përkrahje të PDK-së, të heronjve tanë të luftës e paqes dhe të Bedri Hamzës!”, deklaroi tutje Lladrovci.
