Shërbimi Spitalor Klinik dhe Univeristar i Kosovës, dënon sulmin ndaj infermierit R.U në Spitalin e Përgjithshëm të Mitrovicës, i cili ishte në vendin e tij punës dhe po kryente detyrën zyrtare, në shërbim të pacientëve, thuhet në reagimin e ShSKUK-së.
“Sulmet e tilla ndaj punëtorëve shëndetësorë në vendet e tyre të punës janë shqetësuese dhe të pa pranueshme. Ftojmë organet kompetente që të zbardhin rastin dhe kryesit e veprave të tilla të marrin dënimin e merituar, në mënyrë që rastet e tilla të mos përseriten më”, vijon reagimi i tyre.
LEXO EDHE: Sulmohet një punëtor i Spitalit Rajonal të Mitrovicës
Ndërsa, Federata e Sindikatave të Shëndetësisë së Kosovës ka njoftuar se mjeku është sulmuar nga familjarët e një pacienti.
