Kandidati i Aleancës për Ardhmërinë e Kosovës për kryetar të Prishtinës, Daut Haradinaj, ka votuar para pak çastesh.
Haradinaj ka ftuar qytetarët që të dalin në votime.
“Urime prishtinas, urime na priftë e mbara. Edhe një herë prishtinasve, kryeqytetit urime sot është një ditë feste. Lus qytetarët të dalin të votojnë dhe të bëhen pjesë e ndryshimeve që duan”, ka thënë Haradinaj para mediave.
Haradinaj gjatë votimit ka qenë i shoqëruar nga bashkëshortja e tij, Lola. Në Kosovë janë duke u mbajtur zgjedhjet lokale 2021, ndërsa deri në ora 11:00 pjesëmarrja e qytetarëve në votime është 8,24%. Sipas të dhënave të fundit të Komisionit Qendror të Zgjedhjeve (KQZ), të përditësuara në ora 11:00, deri tani kanë votuar 73 mijë e 928 qytetarë.
