Një pikturë kineze nga viti 1924 pritet të shitet për së paku 45 milionë dollarë në ankand në Hong Kong, ndërsa apetiti i koleksionistëve për artin vazhdon të rritet përkundër pasigurisë që ka sjellë pandemia e koronavirusit, raporton AP.
Piktura e artistit modern kinez Xu Beihong paraqet një skllav që fshihet në një shpellë dhe një luan. Bazohet tematikisht nga mitologjia romane dhe Fabula e Ezopit.
Shtëpia e ankandeve Christie’s të hënën ka zbuluar pikturën e Xu’s me titull “Skllavi dhe Luani”.
Xu shpesh përdor luanët në pikturat e tij për të ilustruar besimin e tij në ngritjen e kombit kinez. Luani në pikturë është i plagosur, por mbetet dinjitoz, i drejtë dhe krenar – një simbol i shpirtit kinez, tha shtëpia e ankandeve Christie’s.
Vitin e kaluar, një pikturë 700-vjeçare kineze nga Dinastia Yuan u shit për 41.8 milionë dollarë në ankandin Sotheby’s në Hong Kong.
