Disa nxënës të shkollës fillore “Lidhja e Pejës” në fshatin Novosellë kanë pastruar objektin e shkollës këtë të shtune, ditë në të cilën po kompensohen orët e humbura.
Arben Kurtaj, prind nga ky fshat, ka thënë për Klankosova.tv se nxënësit u detyruan nga drejtori i shkollës të pastrojnë dhe të mos i mbajnë orët e mësimit.
“Sot drejtori iu ka thënë nxënësve se duhet të pastrohet shkolla dhe kush nuk pastron do të përjashtohet nga shkolla”.
Ai tha se nxënësit u detyruan përkundër që për pastrimin e objektit përkujdesën gjashtë punëtorë të shkollës.
Kurtaj ka dërguar edhe fotografitë nga shkolla./Gazeta Enigma/
