Një aksident i rëndë komunikacioni, i ndodhur në orët e para të mëngjesit të 22 dhjetorit në Fushë Kosovë, ka përfunduar me fatalitet.
Ngjarja ka ndodhur rreth orës 00:50 në rrugën “Shefki Kuleta”, ku një veturë ka goditur një këmbësor.
Si pasojë e goditjes një person ka pësuar lëndime të rënda trupore dhe është dërguar për trajtim mjekësor në Qendrën Klinike Universitare të Kosovës.
Megjithë përpjekjet e stafit mjekësor, mëngjesin e sotëm, më 25 dhjetor 2025, rreth orës 06:00, është konfirmuar se i lënduari ka ndërruar jetë.
Me urdhër të Prokurorit kujdestar, trupi i pajetë i viktimës i është dorëzuar familjarëve, ndërsa rasti është duke u trajtuar nga organet kompetente si aksident komunikacioni rrugor me fatalitet. Hetimet lidhur me rrethanat e aksidentit janë në zhvillim.
