Tre persona kanë marrë lëndime si pasojë e një aksidenti ku janë përfshirë tri automjete në rrugën Ali Ajeti në Podujevës.
“Rreth orës 11:00, është pranuar informata për një aksident komunikacioni rrugor të ndodhur në rrugën Ali Ajeti në Podujevë”, ka deklaruar zëdhënësja e Policisë së Kosovës për rajonin e Prishtinës, Flora Ahmeti.
Ajo ka konfirmuar për Gazetën “Enigma” se në aksident janë përfshirë tri automjete, ku lëndime kanë pësuar tre persona.
“Policia ka dalë në vendin e ngjarjes dhe ka filluar një hetim lidhur me shkaqet që kanë sjellë deri te ky aksident”, ka shtuar Ahmeti.
