Ambasada e Mbretërisë së Bashkuar në Kosovë, ka thënë se Kosova ka qendrën më të mirë në Evropë të trajnimit për kërkim-shpëtim.
Kjo ambasadë është shprehur krenare për rolin që Mbretëria e Bashkuar ka luajtur në mbështetje të qendrës gjatë viteve, njofton Klan Kosova.
“Ne ishim të kënaqur që vizituam Qendrën Ndërkombëtare të Trajnimit të FSK-së për Kërkim-Shpëtim në Kosovë në mëngjes për një prezantim dhe demonstrim në fund të një stërvitjeje ndërkombëtare në të cilën 7 ekipe praktikuan aftësitë e tyre dhe bashkëpunimin me njëri-tjetrin”.
“Jemi krenarë për rolin që Mbretëria e Bashkuar ka luajtur në mbështetje të qendrës gjatë viteve. Ky investim i vogël, me mbështetjen e FSK-së, ka shpërblyer në mënyrë spektakolare – Kosova po trajnon njerëz nga e gjithë bota për të shpëtuar jetë në objekte të klasit botëror dhe duke demonstruar ofertën e saj për partnerët në NATO dhe më gjerë”.
“Ishte kënaqësi të bisedoja me pjesëmarrësit në Mbretërinë e Bashkuar, të cilët do të kthehen në shtëpi të impresionuar jashtëzakonisht me atë që kanë parë këtu”.
