Ambasadori i Shteteve të Bashkuara në Serbi, Anthony Godfrey, ka thënë se takimi në Bruksel për marrëveshjen e Kosovës dhe Serbisë për situatën në veri është duke përparuar.
Ai tha se është në kontakt me zëvendësndihmës sekretari amerikan për Çështje të Evropës dhe Euroazisë, Gabriel Escobar, i cili ndodhet në Bruksel për ta mbështetur dialogun e udhëhequr nga Bashkimi Europian.
Diplomati amerikan tha se Kosova dhe Serbia duhet të shkojnë drejt dakordimit final, dhe për këtë, koha është tani.
“Unë jam në kontakt të ngushtë sot me mikun tim Departamentit Amerikan të Shtetit Gabe Escobar, i cili është në Bruksel për të treguar mbështetje për dialogun e udhëhequr nga BE. Kjo punë nuk ka përfunduar por është bërë përparim i mirë. Palët duhet të jenë fleksibile dhe të vazhdojnë punën për ta çuar këtë në vijën e finishit. Koha është tani”.
Zëvëndëskryeministri i Kosovës, Besnik Bislimi, ka thënë se kanë arritur dakordim me palën serbe sa i përket targave.
