Ambasadori i ShBA-së në Kosovë, Jeffrey Hovenier, është takuar sot me kryeministrin e Shqipërisë, Edi Rama, gjatë vizitës së këtij të fundit në Kosovë.
Lajmin për Klankosova.tv e kanë konfirmuar nga ambasada amerikane, ku thanë se Hovenier e Rama shkëmbyen disa mendime.
“Në përputhje me praktikën diplomatike, ambasadori Hovenier takohet shpesh me një gamë të gjërë zyrtarësh qeveritarë. Ambasadori u nderua që pati mundësi të shkëmbente mendime me kryeministrin Rama”, thuhet në përgjigje.
Kujtojmë se sot Rama është takuar me presidenten e vendit, Vjosa Osmani dhe kryetarin e kuvendit, Glauk Konjufca, por jo edhe me kryeministrin Albin Kurti.
