Drita dhe Antwerp kanë arritur marrëveshje për transferimin e sulmuesit Arbnor Muja te gjiganti belg.
Pas dy ndeshjeve që zhvilluan dy skuadrat në Ligën e Konferencës, drejtuesit e dy klubeve u dakorduan për transferimin e Mujës në Antwerp.
Gazeta Olle ishte mediumi i parë që raportoi për arritjen e marrëveshjes mes palëve.
Olle mëson ekskluzivisht se Muja do të udhëtojë nesër (e marte) drejt Belgjikës ku do t’i nënshtrohet testeve mjekësore.
23-vjeçari për vetëm një vit te Drita shkëlqeu dhe arriti t’i bind drejtuesit e skuadrës së madhe belge për tu transferuar atje.
Drita viteve të fundit ka bërë revolucion në skuadër duke i besuar jashtëzakonisht shumë futbollistëve të rinj dhe premtues, pasi synimi i klubit duket se përveç trofeve është të shes sa më shumë lojtarë në Evropë.
Pasi t’i kryej Muja testet mjekësore te Antwerp pritet të publikohet marrëveshja nga dy klubet.
