Avokati Arianit Koci ka reaguar për rastin e dhunimit të 11 vjeçares sot në Prishtinë.
“Monstrumëve në trajtë njerëzore iu del hakësh Kodi Penal i Kosovës”, ka thënë ai.
“Pa e paragjykuar fajësinë, po ju tregoj që për personat mbi moshën 18 vjeçare, me rrethanat që po paraqiten në media se si është kryer vepra penale e dhunimit ndaj vajzës 11 vjeçare – dënimi minimal është 15 vjet”, ka shkruar Koci.
Avokati tutje ka njoftuar se “dënimi maksimal është burgimi i përjetshëm”.
”Thellë besoj që burgimi i përjetshëm do t’i parandalojë personat e tjerë nga kryerja e veprave të tilla penale dhe do të shprehet fuqishëm gjykimi shoqëror për vepra të tilla penale.Këto edhe janë dy prej katër qëllimeve të dënimit.E sa për rehabilitimin e kryerësve – poashtu njëri prej qëllimeve të dënimit, të njëjtët le të rehabilitohen në burg”, tha ai.
Avokati Koci krejt në fund të këtij postimi ka shkruar se “nëse vajza 11 vjeçare ka prindër, prokuroria dhe institucionet tjera duhet patjetër të merren me ta”. /Gazeta Enigma/
