Stacioni Policor Jug Mitrovicë, ka realizuar ekzekutimin e urdhëresave të lëshuara nga gjykata.
Dy urdhëresa të tilla janë realizuar sot, njëra është bërë rreth orës 12:00, në rrugën “Bislim Bajgora”, ki është ndaluar i dyshuari F.Xh.., 34 vjeçar, shtetas i Republikës së Kosovës, “ndaj të cilit Gjykata Themelore në Mitrovicë, kishte lëshuar urdhëresën Ed.nr.45/2021, për veprën penale ,,Vjedhje e pyllit””, njofton policia.
“Kurse urdhëresa dytë është realizuar rreth orës 13:20, po ashtu në rrugën “Bislim Bajgora” ku është ndaluar i dyshuari B.C., 24 vjeçar, shtetas i Republikës së Kosovës, ndaj të cilit Gjykata Themelore në Mitrovicë, kishte lëshuar urdhëresën Ed.nr.79/2021, për veprën penale ,,Vjedhje të shërbimeve publike’’”, thuhet tutje në njoftimin e policisë.
“Pas arrestimit dhe përfundimit të procedurave policore, sipas urdhëresës së gjykatës, të njëjtit pasi që dënimi ka qenë i zëvendësuar palët kanë paguar gjobat e përcaktuara me ligj”, përfundon njoftimi.
/Gazeta Enigma/
