Shërbimi Spitalor Klinik e Universitar i Kosovës ka bërë të ditur se në bazë të raportit të datës 9 nëntor 2021, në spitalin e përgjithshëm të Mitrovicës nuk ka pacientë të shtrirë me COVID-19.
Nga ky Shërbim tregojnë se pacientë të infektuar me COVID-19 nuk ka as në Spitalin e Vushtrrisë dhe atë të Gjilanit.
Sipas SHSKUK’së, në tërë Shërbimin Spitalor Klinik dhe Universitar të Kosovës, në trajtim mjekësor janë 44 pacientë, prej tyre 14 të konfirmuar me Covid-19 dhe 30 të tjerë post-covid.
Me oksigjeno-terapi janë 13 pacientë, përderisa në mjekimin intnesiv të Klinikës Infektive ka vetëm 1 pacient me maskë të oksigjenit.
Numri i pacientëve me COVID-19 dhe post-covid sipas klinkave COVID-19 dhe spitaleve të përgjithshme:
Klinika Infektive, 3 pacientë
Klinika e Pulmologjisë, 27 pacientë post-COVID19
Mjekimi Intensiv në Klinikë Infektive, 1 pacient
Spitali i Prizrenit, 2 pacientë
Spital i Pejës, 3 pacientë
Spitali i Gjakovës, 6 pacientë
Spitali i Ferizajt, 2 pacientë. /Gazeta “Enigma”/
