Kryediplomatja gjermane, Analena Baerbock pritet qe ta vizitojë Serbinë për të vazhduar më pas në Bosnjë-Hercegovinë dhe Kosovë.
Këtë e ka bërë të ditur gazeta serbe “Nova.rs”, derisa burimet e kësaj gazete thonë se temat që Ministrja e Jashtme e Gjermanisë, Analena Baerbock do t’i trajtojë me zyrtarët serbë, është Kosova dhe dialogu Kosovë-Serbi, si dhe situata politike në Bosnje dhe Hercegovinë.
“Siç mësojmë, Gjermania do të jetë e interesuar të dëgjojë edhe për pozicionin e Serbisë mbi krizën e Ukrainës, por githashtu do të diskutojnë për zgjedhjet e ardhshme serbe”, shkruan gazeta serbe.
Ndryshe, Analena Baerbock, që kur ka marrë detyrën e saj në qeverinë e re të Kancelarit Olaf Schoolz, ende nuk e ka vizituar Ballkanin Perëndimor në kapacitetin e saj të ri zyrtar.
