Qytetarët e Mitrovicës kanë dalë të shumtë në numër për të përshëndetur Njësinë Speciale pas kthimit nga pikat kufitare në Jarnjë dhe Bërnjak.
E gjithë kjo erdhi pasi Kryetari i Mitrovicës së Jugut, Agim Bahtiri, bëri thirrje që qytetarët të mblidhen për t’i pritur policët e Njësisë Speciale të Kosovës derisa kthehen nga Jarinja dhe Bërnjaku.
Bahtiri ka falenderuar Policinë e Kosovës për shërbimin në mbrojtje të pikave doganore në Jarinjë e Bërnjakë, duke thënë se të gjithë ndjehemi krenar me Policinë e Kosovës.
Postimi i Agim Bahtirit:
Faleminderit për shërbimin tuaj që e keni nxjerrë faqebardhë gjithmonë Republikë e Kosovës! Jemi krenarë që ju kemi! Ne jetojmë të qetë e të sigurtë falë jush! AB
