Barcelona ka fituar El Clasicon e para të sezonit ndaj Real Madridit me rezultat minimal 1-0, në ndeshjen e zhvilluar mëngjesin e sotëm (e diel) në Las Vegas.
Dy klubet e mëdha nga La Liga janë duke zhvilluar fazën përgatitore në SHBA dhe kanë shfrytëzuar situatën për të zhvilluar një ndeshje mes vete.
Takimi i zhvilluar në ‘Allegiant Stadium’ i ka takuar në fund Barcelonës, e cila ishte më e mirë dhe më kërkuese gjatë gjithë ndeshjes.
Goli i vetëm në këtë ndeshje erdhi në minutën e 27-të me anë të Raphinhas, i cili shënoi një supergol nga distanca për 1-0.
FULL TIME! #ElClásico ???????? pic.twitter.com/J2S3hIkY6k— FC Barcelona (@FCBarcelona) July 24, 2022
Në pjesën e dytë, si Carlo Ancelotti ashtu edhe Xavi bën nga 11 ndryshime në formacion, për të parë formën e secilit lojtarë, por edhe për të provuar prurjet e reja.
Te Barcelona debutoi polaku Robert Lewandowski, i cili luajti gjithë pjesën e parë, ndërsa te Reali luajtën transferimet e verës si Aurilien Tchouameni dhe Antonio Rudiger.
???? Barça capture #ElClásico in Las Vegas! pic.twitter.com/2kIYdS8Wy1— FC Barcelona (@FCBarcelona) July 24, 2022
