Komisioni Evropian njoftoi të mërkurën se ka dërguar aeroplanë, helikopterë dhe ekuipazhe zjarrfikëse në Itali, Greqi, Shqipëri dhe Maqedoninë veriore për të ndihmuar ato vende të shuajnë zjarret në pyje.
Dy avion kanader nga Franca u dërguan në zonat e prekura në Itali, tha ekzekutivi evropian në një deklaratë.
Dy avionë zjarrfikës nga Qipro po ndihmojnë Greqinë, me një brigadë zjarrfikëse që e shuan zjarrin në tokë, shtoi ai. Dy helikopterë u dërguan për të ndihmuar operacionet në Shqipëri nga Republika Çeke dhe Holanda, dhe Sllovenia dërgoi një ekip prej 45 zjarrfikësish në Maqedoninë veriore.
Ndihma u dërgua nën sistemin e mbrojtjes civile të BE -së dhe Komisioni mbulon të paktën 75% të kostove të transportit.
“Ne punojmë 24 orë në ditë për të dërguar ndihmë ndërsa zjarret janë ndezur në Evropë”, komentoi Komisioneri Evropian për Menaxhimin e Krizave Janez Lenarcic, duke falënderuar vendet që dërguan ndihmë.
“Mbrojtja civile e BE-së sigurohet që mekanizmat tanë të zjarrfikësve të përdoren në maksimum. Ky është një shembull i shkëlqyer i solidaritetit të BE-së kur lind nevoja,” tha ai.
