Presidenti i ShBA-së, Joe Biden, ka folur në një konferencë shtypi, ku tha se “nuk ka kthim në status quo-në siç ishte më 6 tetor” midis izraelitëve dhe palestinezëve.
Duke folur së bashku me kryeministrin australian Anthony Albanese, Biden tha se Izraeli duhet të bëjë “çdo gjë në fuqinë e tij për të mbrojtur civilët”.
Biden tha se ishte i alarmuar nga raportet e “kolonëve ekstremistë” që sulmonin palestinezët në Bregun Perëndimor. “Ata po sulmojnë palestinezët në vendet ku ata kanë të drejtë të jenë. Duhet të ndalet”, tha ai.
Ai tha se ShBA-ja mbështet Izraelin që të mbrohet kundër Hamasit dhe “do të sigurojë që Izraeli të ketë atë që i nevojitet për të mbrojtur veten kundër këtyre terroristëve. Kjo është një garanci”.
Biden tha se Hamasi nuk përfaqëson “shumicën dërrmuese të popullit palestinez në Rripin e Gazës apo kudo tjetër”, shkruan BBC.
