A jeni përdorues që po mendoni të lini duhanin gjatë pandemisë? Çfarë ndikimi ka COVID-19 në trupin tuaj nëse jeni përdorues i duhanit? Ishin këto pyetjet që ju drejtuan Hebe Gouda-s, e cila është një është një epidemiologe, me përvojë kërkimore në Papua Guinea e Re, Indonezi dhe Egjipt.
“Tani e dimë se provat tregojnë fuqishëm se duhanpirësit kanë deri në 50 përqind më shumë gjasa të vuajnë më keq nga sëmundja COVID-19. Kjo do të thotë që duhanpirësit kanë më shumë gjasa të kenë simptoma më të këqija, më shumë gjasa të shtrohen në spital, më shumë gjasa të shtrohen në njësitë e kujdesit intensiv dhe të kërkojnë ndihmë me frymëmarrjen dhe/ose ventilimin” është shprehur Gouda në rubrikën e përjavshme të Organizatës Botërore të Shëndetësisë “WHO’s Science in 5 on COVID-19”.
Sipas Gouda-s, duhanpirësit kanë më shumë gjasa të vdesin nga sëmundja COVID-19, sesa dikush që nuk ka pirë duhan.
“Në përgjithësi, ne e dimë se duhani ka shumë dëm për shëndetin e njerëzve që shkaktojnë sëmundje të zemrës, diabet, sëmundje të mushkërive si sëmundjet kronike të mushkërive dhe kancere si kanceri i mushkërive”.
Dhe të gjitha këto kushte, i bëjnë njerëzit më të prekshëm ndaj sëmundjes COVID-19.
Hebe, foli edhe për industrinë e duhanit dhe industritë e tjera që janë të përfshira në prodhimin dhe tregtimin e cigareve elektronike, e që ishin shumë aktive gjatë pandemisë dhe vazhdojnë të jenë të tilla.
Veçanërisht në kohë bllokimi, ata siguruan që konsumatorët të kenë akses të vazhdueshëm në këto produkte të dëmshme përmes shpërndarjes pa kontakt.
“Dhe ajo që është veçanërisht shqetësuese në lidhje me ato forma të qasjes është se ata që janë nën moshë, të cilët normalisht nuk do të kishin qasje ose vështirësi në qasjen në këto produkte, mund të bëhen potencialisht më të lehtë përmes këtij sistemi të shpërndarjes pa kontakt” tha ajo.
“Ne gjithashtu e dimë se ata po siguronin zbritje promovuese, duke përvetësuar hashtagun #StayAtHome në mediat sociale për qëllimet e tyre të marketingut, dhe duke pretenduar se këto produkte elektronike të nikotinës dhe duhanit ishin shoqëruesit e mirë për të punuar nga kontekstet e shtëpisë, etj”.
“Në një nivel më strategjik global, ata me të vërtetë u përpoqën shumë të dukeshin si pjesë e zgjidhjes së pandemisë duke dhuruar gjëra si ventilatorë në vende, si dhe pajisje të tjera mbrojtëse personale dhe maska me logot e tyre në të, etj. Ndërkohë, duke heshtur plotësisht për rolin e tyre në mbi tetë milionë vdekje për shkak të duhanit çdo vit” është shprehur Gouda.
Gouda, gjithashtu tregoj se përfitimet kur njerëzit lënë duhanin janë të menjëhershme.
“Brenda 20 minutave nga cigarja juaj e fundit, rrahjet e zemrës dhe presioni i gjakut janë përmirësuar. Brenda 12 orëve, nivelet e monoksidit të karbonit në gjakun tuaj do të reduktohen në normale. Brenda dy deri në 12 javë, mund të prisni që funksioni i mushkërive dhe qarkullimi juaj të jenë përmirësuar. Dhe në fakt, brenda një deri në katër vjet pas lënies së duhanit, rreziku juaj për të vdekur është rreth gjysma e atij që pini duhan” tha ajo.
