Kryeministri Albin Kurti ka thënë sot se do të marrin masa ndaj operatorëve që manipulojnë me çmimet e vajit, pasi sot një litër e këtij produkt u shit 3.49 cent.
Kurti tha se inspektorët tashmë janë duke dokumentuar shkeljet që eventualisht janë bërë.
“Padyshim që do të marrim masa. Inspektorët janë duke bërë dokumentimin e të gjitha shkeljeve mirëpo unë nuk jam i udhëhequr vetëm nga ideja e ndëshkimit që duhet të ndodh por jam i udhëhequr nga parandalimi i dëmit që tashmë po shkaktohet, sepse ju e dini inspektorët marrin evidencë për shkeljet dhe më pastaj fillon procedura e proceset e ndëshkimit”, tha Kurti.
Por dokumentimi i shkeljeve për çmimet e produkteve sipas Kurtit po merr kohë, teksa shtoi se rritja e çmimeve po bëhet nga faktori njeri e jo nga situata.
“Kjo po merr kohë, e njerëzit ushqehen për çdo ditë. Prandaj në spikamë tek ne sot nuk është vetëm evidentimi dhe regjistrimi i shkeljeve por është edhe parandalimi i dëmeve që po ndodhë me këto manipulime të çmimeve nga faktori njeri e kurrsesi nga situata objektive në vendin tonë”, tha Kurti.
Në ndërkohë, ministrja e Tregtisë, Industrisë dhe Ndërmarrësis, Rozeta Hajadari ka pranuar se Kosova është duke u përballur me mungesë të inspektorëve.
“Ka mungesë të inspektorëve për disa sektorë. Siç e dini nga zgjedhjet e fundit e edhe më herët ne e kemi qëllim rritjen e numrit të inspektorëve. Kemi shtuar numrin e inspektorëve në AVUK dhe po e shqyrtojmë mundësinë për rritjen e inspektorëve të tregut”, ka thënë ajo
